FestaArchive for the ‘’ Category

Que foi, Tiger Lily?, unha historia de espionaxe e ensalada de ovo

Xoves, Abril 14th, 2016

Que foi, Tiger Lily?

“A marabillosa sorpresa de Que foi, Tiger Lily? – un modesto exercicio de explotation que anticipa a carreira como director de Woody Allen, e á que inexplicabelmente lle levou toda unha década chegar á súa estrea en Inglaterra – é todo o percorrido que se lle saca ao que podería parecer unha idea inicial moi limitada; no puro ámbito da risa, seica é o filme máis consistentemente hilarante dos que Allen leva feito até o momento. Indubidabelmente un factor crucial do seu éxito deriva da desprexuizada maneira nas cales os cineastas americanos levan a cabo as súas estratexias principais. A diferencia dos debuxos animados norteamericanos e a súa dubidosa práctica de perpetuar os estereotipos racistas de Amos e Andy atribuíndo voces similares a caracteres animais, esta comedia lixeira de 1966 evita as posibilidades chauvinistas inherentes nun proceso inverso de dobraxe de escenas de actuación con actores xaponeses mediante voces americanas – moitas delas evocadoras dos animais dos debuxos animados – polo feito de utilizar un material orixinal que, por si só, xa cheira a parodia do cinema Americano, e tendo o coidado de lembrarlle á audiencia o que se está a facer en cada momento do traxecto.

De feito, sen resultar demasiado solemne, un podería propor este filme como unha demostración exemplar da clase de cousas que imaxe e son poden facer a unha polo outro, un principio que resulta como fundamento de moitos dos mellores gags (…). Cun espírito frenético digno dos mellores Tex Avery e Frank Tashlin, o poeta alardea da súa frustración sexual, un inxenuo envolto nunha toalla solicítalle ao heroe que «nomee a tres presidentes», e máis adiante oirémolo farfullando como un Jerry Lewis retardado mentres mira a outro polo ollo dunha pechadura.

Varias das súas pelexas de artes marciais están puntuadas por insultos como «Vaca romana! Serpe rusa! Mosca española! Can espartano! Toffe turco!», e pouco despois remárcalle a un vilán aquilo de «Dous Wongs non fan un branco», e escóitase a un taberneiro demente coa voz dun esmagado Peter Lorre arremetendo a cantar un gospel. E a pesar dalgúns insertos americanos algo obvios para acomodar mensaxes escritas e as varias intrusións de Allen ou os Lovin’ Spoonful, e evidentes re-mesturas e acomodos da narración orixinal, un experimenta o filme principalmente como unha forma enxeñosa de contrapunto pola cal a banda sonora non só ofrece meros chistes verbais, se non que virtualmente prepara o terreo para outros gags visuais, suxerindo unha auténtica colaboración (máis que unha traizón) das sinerxías do filme orixinal. E, en contraste coas mellores partes de Bananas, Todo o que sempre quixo saber sobre sexo, e O Durmilón – que tenden a poñer sobre a mesa notables ideas visuais e/ou narrativas para logo non saber o que facer con elas – o ritmo vivaz deste esforzo máis temperán suxire que Allen ben podería utilizar colaboradores laboriosos como Hideo Ando ou Senkichi Taniguchi nos seus futuros filmes”.

[Fragmento dunha crítica de What’s Up, Tiger Lily?, por Jonathan Rosenbaum]

Sábado 16 de abril a partir das 19: 30h no Pichel
FESTA DO 15º ANIVERSARIO DO CINECLUBE DE COMPOSTELA

19.30 | Proxeccións
Que foi, Tiger Lily?

(What’s Up, Tiger Lily, Woody Allen, EUA, 1966, 80′)

15ª Festa Aniversario

Mércores, Abril 13th, 2016

cartelfestacineclube

[Cartaz de Edita R. Oca]

Sábado 16 de abril a partir das 19: 30h no Pichel
FESTA DO 15º ANIVERSARIO DO CINECLUBE DE COMPOSTELA

19.30 | Proxeccións
Que foi, Tiger Lily?

(What’s Up, Tiger Lily, Woody Allen, EUA, 1966, 80′)

21.30 | Concertos | Entrada: 5 euros

ATRÁS TIGRE
EMILIO JOSÉ E OS INDÍGENAS
NISTRA (DJ SET)

01.00 | Picadiscos
Sesión DJ Chapaev

14ª Festa Aniversario

Venres, Xuño 19th, 2015

cartaz festa 2015 [Cartaz de Edita R. Oca]

Sábado 20 de xuño a partir das 19.30 no Pichel
FESTA DE 14º ANIVERSARIO DO CINECLUBE DE COMPOSTELA

19.30 | Proxeccións
Rock’n’Roll High School (Allan Arkush, EUA, 1979, 93′, VOSG)

22.00 | Concertos

CINTA ADHESIVA
ESPOSA
PANTIS

01.30 | Picadiscos
Sesión DJ Chapaev

Festa de 13º aniversario

Venres, Xuño 13th, 2014

[Cartaz de Pablo Cayuela]

Sábado 21 de xuño a partir das 19.30 no Pichel
FESTA DE 13º ANIVERSARIO DO CINECLUBE DE COMPOSTELA

19.30 | Teatro
BERLÍN (Histeria Teatro)

20.30 | Proxeccións
Duck Amuck (Chuck Jones, EUA, 1953′, 7′, VOSG)
O substituto (Surogat, Dušan Vukotić, Iugoslavia, 1961, 10′, VO)
Rexeitado (Don Hertzfeldt, EUA, 2000, 9′, VOSG)

21.30 | Concertos
THE LOST OMELETTE-MAKERS (Galiza)
PUTAN CLUB (Franza)
ROLANDO BRUNO Y SU ORQUESTA MIDI (Arxentina)

01.30 | Picadiscos
DJ’S ORDE & PROGRESO

 

12º Festa Aniversario

Xoves, Maio 30th, 2013

 

FESTA ANIVERSARIO Nº12 — CINECLUBE DE COMPOSTELA
Sábado 8 de xuño de 2013, a partir das 19.30 no C.S. O Pichel 

19.30 | Teatro
Hámster (Histeria Teatro, 30′)

20.30 | Proxeccións
De jamones y monjas (Daniel Cuberta, 2011, 37”, VO)
Secreto para despertar al pueblo (Daniel Cuberta, 2012, 1’26”, VO)
Sé villana. La Sevilla del Diablo (María Cañas, 2013, 40′, VO)

22.00 | Concertos
Santos Morcegos!!!
Familia Caamagno
DJ Chapaev

Entrada concertos: 3€ (destinados íntegramente aos músicos)

 

Festa—11

Xoves, Maio 31st, 2012

Este sábado 2 de xuño, dende as 20h, celebramos a nosa tradicional festa de aniversario no Pichel. Desta volta, os músicos convidados son Das Kapital, Ataque Escampe e a Magnifique Bande dos Homes sen Medo. Para presentalos contaremos con Chiqui Pereira e Paula Carballeira, do grupo de teatro Berrobambán. E antes de nada, para abrir a noite, poderedes ver tres curtametraxes de Buster Keaton, Laurel & Hardy e Segundo de Chomón que falan ben deste tempo de andar a correr diante da policía… Insistimos: o fondo do aire é vermello.

Sábado 2 de xuño a partir das 20h no Pichel
FESTA XI ANIVERSARIO | Entrada: 4€ (destinados exclusivamente aos músicos)
Presenta:
Berrobambán

Filmes (20h):
Cops (Buster Keaton, EUA, 18′, 1922, VO)
Big bussiness (Laurel & Hardy, EUA, 19′, 1929, VO)
Pickpocket ne craint pas les entraves (Segundo de Chomón, Franza, 8′, 1909, VO)

Concertos (22h):
Das Kapital
Ataque Escampe
Magnifique Bande dos Homes sen Medo


Peche:
DJ Chapaev

■ Preme en cada imaxe para descargar os cartaces en pdf

 

Festa 10º aniversario

Xoves, Xuño 9th, 2011

O vindeiro sábado 11 de xuño celebramos o décimo aniversario do Cineclube de Compostela. Nesta ocasión contaremos cos concertos de Malandrómeda, Urro e Das Kapital, e máis os servizos de DJ Chapaev para pechar a velada. Pero antes abriremos coa proxección de Celia Cruz & Fania All Stars Live in Zaire, un filme de Leon Gast que rexistra o concerto que os latinos deran en Kinshasa no ano 1974. Entre a proxección e os concertos aproveitaremos para vos presentar o libro Cartaces do Cineclube de Compostela (2001-2011), que recolle en pequeno formato toda a produción gráfica do Cineclube nestes dez anos de andaina. Agardámosvos no Pichel (rúa Santa Clara 21) a partir das 20.00.

Sábado 11 de xuño ás 20.00 no Pichel
20h: proxección de Celia Cruz & Fania All Stars Live in Zaire
21h: presentación do libro Cartaces do Cineclube de Compostela (2001-2011), a cargo de Xosé Carlos Hidalgo e Antonio Doñate
22h: concertos de Malandrómeda, Urro e Das Kapital
??h: DJ Chapaev

(entrada: 3€, destinados íntegramente aos músicos)

Atención á mudanza na orde dos concertos: tocarán primeiros Malandrómeda, logo Urro e por último Das Kapital.

Festa 8º Aniversario

Venres, Xuño 26th, 2009

festa-09.indd

FESTA 8º ANIVERSARIO DO CINECLUBE

Sábado 4 de Xullo, ás 20.30 horas
Building a Broken Mousetrap, The Ex Live in New York
(Jem Cohen e Matt Boyd, EUA, 2004, VO, 63′)

Sábado 4 de Xullo, ás 22.30 horas
Concertos (Entrada 5€):
MALANDRÓMEDA (Concerto especial cinema)
CU DE VASO
URRO

(podedes descargar o cartaz aquí)