ColaboraciónsArchive for the ‘’ Category

Arde París

Martes, Setembro 26th, 2017

“Gustaríame considerar o filme Paris is burning e o que esta película suxire sobre a a produción e xulgamento simultáneos dos suxeitos nunha cultura que parece amañarse sempre e de todos os xeitos para aniquilar o “anómalo”, o “anticonvencional” (queer) pero que con todo produce espazos ocasionais nos que poden parodiarse, reelaborarse e resignificarse esas normas aniquiladoras, eses ideais mortíferos de xénero e raza. Nese filme hai desafío e afirmación, afinidade e gloria, mais tamén unha especie de reiteración de normas que non se poden chamar subversivas, que conducen á morte de Venus Xtravaganza, transexual non operada, travesti, prostituta e membro da “House of Xtravanganza”; A que chamadas interpelantes responde Venus?, e como interpretarmos a reiteración da lei no seu xeito de responder? Venus, e Paris is Burning de forma máis xeral, chama atención sobre se parodiar as normas dominantes é abondo para desprazalas; realmente, pon sobre a mesa se a desnaturalización do xénero non é vehículo mesmo para re-consolidar as normas hexemónicas”.

[Tirado de “Gender is burning. Questions of appropriation and subversion” por Judith Butler en Bodies that matter. On the discoursive limits of “sex”. London, New York; Routledge, p. 124-133, 1993].

Mércores 27 de setembro ás 21:30 no Pichel
Arde París
(Paris Is Burning, Jennie Livingston, EUA, 1990, 87′, VOSG)
En colaboración co Colectivo Agrocuir da Ulloa

Sesión Gregory Markopoulos

Xoves, Setembro 14th, 2017

“Sexa como fose, entre as 107 películas proxectadas en Knokke, algunhas delas sen discusión poderían reclamarse como unha chamada á controversia, como esa curiosa Dúas veces home, por outra parte premiada, unha mediometrade en 16mm, pantalla estándar e en Eastmancor realizada por Gregory Markopoulos. En canto ás intencións, o propio autor expón:

«Gustaríame amosar unha nova forma narrativa baseada en frases fílmicas moi breves usadas en grupos para evocar o pensamento a través das imaxes. O que chamo “imaxe do pensamento”, polo tanto, contén cargas tanto psicolóxicas como estéticas. Intensifica e constrúe o tema visual mentres o diálogo e a música son introducidos como elementos de realce».

En canto ao resultado, non deixa de intrigar: tras unha longa pasaxe bastante desconcertante no negro absoluto (o heroe atravesa un túnel), asistimos a un desfile, ou máis ben a unha fervenza de planos dun ritmo irregular pero cuxa reaparición e combinación periódica parece obedecer a unha lei estritamente matemática. Se fose necesario empregar comparacións «físicas» para render contas da impresión producida, viríanme á mente as seguintes palabras: lóstrego, corrente eléctrica, raio, electrocución, recarga, trono, síncope, fulminación, letargo, catalepsia, resurrección.

Deixemos a un lado o tema –unha adaptación da lenda de Hipólito segundo a experiencia moderna– para non considerar máis que o principio, a aposta formal, e apuntemos que Dúas veces home propón (é máis ou menos o que se desprende ao vela por primeira vez) algunhas series de imaxes, cada unha afectada por un coeficiente variable de realidade obxectiva: algunhas parecen estar pechadas, definitivamente construídas, outras semellan máis inestables nos seus contornos e cores, outras son fortemente problemáticas, incluso improbabéis”.

[Tirando de “Una obra y sus márgenes”, por Claude Ollier en Lumière. Publicado orixinalmente en Cahiers du cinéma, nº 153, 1964].

Mércores 20 de setembro ás 21:30 no Pichel
Nadal, EUA
(Christmas, U.S.A., Gregory Markopoulos, EUA, 1949, 13′, VO)
Dúas veces home
(Twice a Man, Gregory Markopoulos, EUA, 1964, 45′, VO)
En colaboración co Colectivo Agrocuir da Ulloa

Curso no CGAC: OS CORPOS DO CINEMA

Mércores, Setembro 13th, 2017

curso cgac corpos do cinema

Este ano volvemos colaborar coas actividades do Centro Galego de Arte Contemporánea. Neste caso é no curso “Os corpos do cinema” que impartirá o crítico e docente José Manuel López, no que abordará a relación entre as figuras e os espazos no medio audiovisual. A programación analiza como o corpo transita en diferentes contextos cinematográficos, dende unha perspectiva de xénero (comedia, musical, western), pasando por cineastas (Jacques Tati, Michelangelo Antonioni, Béla Tarr, Leos Carax) ou ben dende narrativas e outros espazos (personaxes errantes, a cidade, a estrada, a adolescencia, lugares distópicos).

▮▮▮▮▮▮▮▮▮▮▮▮▮▮▮▮▮▮▮▮▮▮▮▮▮▮▮▮▮▮▮▮▮▮▮▮▮▮▮▮▮▮▮▮

O prazo para as inscripcións está aberto dende o 6 de setembro ata o día 17 de outubro. As persoas interesadas en matricularse poden enviar un correo electrónico a cgac.educacion@xunta.gal indicando o seu nome completo, DNI, estudos, área de traballo ou interese, un enderezo de correo electrónico e un teléfono de contacto. Cando a solicitude sexa aceptada ás persoas inscritas recibirán a información precisa para realizar o pago.

A matrícula ordinaria é de 80€. O prezo para socias e socios do Cineclube de Compostela é de 65€.

▮▮▮▮▮▮▮▮▮▮▮▮▮▮▮▮▮▮▮▮▮▮▮▮▮▮▮▮▮▮▮▮▮▮▮▮▮▮▮▮▮▮▮▮

Colaboración co Colectivo Agrocuir da Ulloa

Martes, Setembro 12th, 2017

festival Agrocuir Ulloa

“O título Anders als die Andern tradúcese polo xeral como A diferenza dos demais, pero desa maneira se perde o xogo de palabras do alemán. Segundo Paul Werner, deriva dunha frase habitual entre os gays da época: “Nós, grazas a Deus, somos outros para a outra xente”. Isto é ben optimista, pero o filme debe facer referencia tamén a novela homónima de Bill Forster, publicada no 1904. […] O filme A diferenza dos demais non comparte o seu argumento, pero si ten algúns dos seus mesmos ingredientes: un amor gay adolescente insistentemente presentado sen ningún tipo de obscenidade, o recoñecemento da importancia do que agora chamariamos saír do armario e un final infeliz. O filme sitúase algures entre a pureza e a fatalidade da novela e o desafío optimista de dar grazas a Deus por ser diferente”.

[Tirado de “Now You See It: Studies on Lesbian and Gay Film” por Richard Dyer, London/New York: Routledge, 2003, p. 25-42].

Mércores 13 de setembro ás 21:30 no Pichel
Algie o mineiro
(Algie the Miner, Alice Guy / Harry Schenck / Edward Warren, EUA, 1912, 10′, VOSG)
A diferenza dos demais
(Anders als die Andern, Richard Oswald, Alemaña, 1919, 51′, VOSG)
En colaboración co Colectivo Agrocuir da Ulloa. Con presenza de membros do colectivo.

Colaboración con Jane’s Walk Santiago de Compostela

Martes, Setembro 5th, 2017

“Baixo a aparente desorde da vella cidade, alí onde a vella cidade está funcionando con éxito, hai unha orde marabillosa para manter a seguridade das rúas e a liberdade da cidade. É unha orde complexa. A súa esencia é o intricado do uso da beirarrúa, levando con el unha sucesión constante de ollos. Esta orde está composta totalmente de movemento e cambio, e aínda que é vida e non arte, poderíamos caprichosamente chamalo a forma artística da cidade e ligala ao baile – non a unha simple danza de precisión con todo o mundo erguendo a perna a un tempo, xirando en unísono e facendo unha reverencia en masa, senón a un intricado ballet no que as bailarinas e bailaríns individuais e os conxuntos teñen partes distintivas que milagrosamente se reforzan mutuamente e compoñen un todo ordenado. O ballet da beirarrúa dunha boa cidade nunca se repite dun lugar a outro, e en calquera sitio está repleto de improvisacións”.

[Tirado de O ballet da beirarrúa por Jane Jacobs na web de Jane’s Walk]

Mércores 6 de setembro ás 21:30 no Pichel
A voda do meu irmán
(My Brother’s Wedding, Charles Burnett, EUA, 1983, 77′, VOSG)
En colaboración con Jane’s Walk Santiago de Compostela e A.VV. As Marias

Setembro 2017

Luns, Setembro 4th, 2017

Misha Bies Golas Colectivo Agrocuir Ulloa Jane's Walk Santiago

[Cartaz de Misha Bies Golas]

PROGRAMACIÓN

Mércores 6 de setembro ás 21:30 no Pichel
A voda do meu irmán
(My Brother’s Wedding, Charles Burnett, EUA, 1983, 77′, VOSG)
En colaboración con Jane’s Walk Santiago de Compostela e A.VV. As Marias

Mércores 13 de setembro ás 21:30 no Pichel
Algie o mineiro
(Algie the Miner, Alice Guy / Harry Schenck / Edward Warren, EUA, 1912, 10′, VOSG)
A diferenza dos demais
(Anders als die Andern, Richard Oswald, Alemaña, 1919, 51′, VOSG)
En colaboración co Colectivo Agrocuir da Ulloa. Con presenza de membros do colectivo.

Mércores 20 de setembro ás 21:30 no Pichel
Nadal, EUA
(Christmas, U.S.A., Gregory Markopoulos, EUA, 1949, 13′, VO)
Dúas veces home
(Twice a Man, Gregory Markopoulos, EUA, 1964, 45′, VO)
En colaboración co Colectivo Agrocuir da Ulloa

Mércores 27 de setembro ás 21:30 no Pichel
Arde París
(Paris Is Burning, Jennie Livingston, EUA, 1990, 87′, VOSG)
En colaboración co Colectivo Agrocuir da Ulloa

■ Preme na imaxe para descargar o cartaz en pdf

Cinema na 13ª Bienal de Lalín

Mércores, Xullo 5th, 2017

“Como nos afecta a tradición? Esta é a pregunta que artella a proposta do Cineclube de Compostela para a 13ª Bienal de Lalín. A selección dos filmes fíxose pensando na recomposición case cronolóxica dun pasado fílmico galego cheo de baleiros, tocado pola perda e a ausencia de material, que fai que en certas ocasións haxa que incorporar pezas realizadas por exiliados para completar o fío. No proceso de resposta á pregunta, certas temáticas atravesan as tres sesións nas que se divide o total da programación. Son aquelas singularidades do caso galego que, independentemente do tempo, volven unha e outra vez, e que en parte seguen axitando a produción de cine galego: o exilio político, a tradición oral, as relacións de poder, o traballo, a memoria, a emigración, o choque coas segundas xeracións que nacen logo do éxodo rural, etc. (…)”.

SECCIÓN CINEMA
COLABORA: CGAI, Fundación Eugenio Granell e as/os autoras/es.
DATAS: 7, 8 e 14 de xullo ás 19:00
LUGAR: Salón de Actos da Biblioteca Municipal de Lalín

SESIÓN 1 | VENRES 7 DE XULLO | 19:00

Galicia 1936-2011. Estudos sobre o filme de Carlos Velo
Ramiro Ledo, Pablo Cayuela e Margarita Ledo. 2011.

El Andamio
Rogelio Amigo. 1958.

Invierno (1960), Lluvia (1961), Dibujo (1961), Trompos (1961), Middlebury (1962) e Película hecha en casa con pelota y muñeca (1962)
Eugenio Granell. Filmes experimentais e surrealistas.

SESIÓN 2 | SÁBADO 8 DE XULLO | 19:00

Gitanos sin romancero
Llorenç Soler, 1976.

Conxo, una experiencia
A Carón, 1976.

31 de agosto de 1989. Peche na fábrica de Odosa
OTTS (Organización de Traballadoras e Traballadores do Salnés), 1989.

SESIÓN 3 | VENRES 14 DE XULLO | 19:00

O milagre da carne
Javier Codesal, 1994.

La memoria interior
María Ruido, 2002.

Como foi o conto?
Alberte Pagán, 2004.

París #1
Oliver Laxe, 2008.

Mougás
David Castro, 2009.

Cine de verán no CGAC: Fóra de contexto. Ciclo de cine turista.

Martes, Xuño 27th, 2017

O Cineclube de Compostela colabora un ano máis co CGAC na programación do Cine de Verán que nesta edición está dirixido por Cibrán Tenreiro baixo o título Fóra de contexto. Ciclo de cine turista. As seis películas (dirixidas por Jim Jarmusch, Hong Sang-Soo, David Lean, Nanni Moretti, John Boorman e Richard Linklater) que se proxectarán as noites dos mércores e xoves do mes de xullo a partir das 22:30h ofrecen unha particular mirada arredor da figura do turista e da viaxe.

“O cinema naceu viaxando. Aos dous anos de ter presentado o invento, os irmáns Lumière tiñan operadores filmando todos os continentes para un público entusiasmado coa idea de coñecer o mundo sentado nunha sala escura. Co tempo, a experiencia do turista volveuse accesible para o común da xente, e as películas pasaron de ser fermosas postais de lugares exóticos a contar tamén os relatos desas persoas que abandonan a casa para situarse fóra de contexto. Ten sentido, xa que a labor do turista e a do cineasta é a mesma: mirar.

Así, estes seis filmes son, por unha parte, a escusa para aforrar cartos e mirar Memphis, Mohang, Venecia, as Illas Eolias, as montañas de Xeorxia ou Viena dende o asento. Pero tamén para observar aos turistas dende distintas perspectivas. Ás veces os viaxeiros son un elemento que altera o equilibrio previo entre un lugar e os seus habitantes: Defensa deriva esa tensión cara o terror para uns arrogantes excursionistas que desafían a natureza da Norteamérica profunda, mentres Noutro país converte os malentendidos e a estraña liberdade que dá o choque lingüístico nun humor onírico pero lúcido. Outras, os turistas poden ser o que non son na súa vida diaria. Viven excitados, abertos á casualidade do romance (como en Antes do amencer), ou á imaxinación e ao xogo (como en Querido diario), pero tamén á decepción de non cumprir as expectativas: Mystery Train opón o mito de Elvis visto dende fóra á misteriosa realidade dun Memphis descoidado, e Katherine Hepburn cruza o Atlántico coa esperanza de que Venecia lle cambie a vida en Tolemias de verán. A frustración ven ás veces de quedar na postal, na superficie das cousas, pero a mirada destes cineastas atopa no turismo conflitos profundos, drama e comedia, ata facer que as viaxes merezan a pena”.

■ Descarga o cartaz do ciclo

■ Descargar o folleto de actividade

Mércores, 5 de xullo
Mystery Train
Jim Jarmusch, Estados Unidos, Xapón, 1989, 105′.

Xoves, 6 de xullo
Noutro país (Da-reun na-ra-e-suh)
Hong Sang-Soo, Corea do Sur, 2012, 89′.

Mércores, 12 de xullo
Tolemias de verán (Summertime)
David Lean, Reino Unido – Estados Unidos, 1955, 100′.

Xoves, 13 de xullo
Querido diario (Caro diario)
Nanni Moretti, Italia, 1993, 96′.

Mércores, 19 de xullo
Defensa (Deliverance)
John Boorman, Estados Unidos, 1972, 110′.

Xoves, 20 de xullo
Antes do amencer (Before Sunrise)
Richard Linklater, Estados Unidos – Austria – Suiza, 1995, 101′.

MICE: 1977-2017, Catro décadas de cinema etnográfico

Domingo, Maio 28th, 2017

O luns 29 de maio dá comezo a Mostra Internacional de Cinema Etnográfico (MICE), que este ano conmemora corenta anos de vida do Museo do Pobo Galego. O Cineclube de Compostela colabora nesta edición cunha programación de cinco sesións agrupadas baixo o título 1977-2017, Catro décadas de cinema etnográfico. Neste ciclo poderase ver un percorrido que nos leva desde o máis próximo ata as antípodas, da volta dun fillo á casa familiar ou a filmación dunha romaría tradicional ata a narración dun primeiro contacto entre explorador e indíxena no tempo do capitalismo colonial, pasando polas comunidades das periferias de metrópoles contemporáneas. A emerxencia de novas formas de facer onde as narrativas experimentais se mesturan co cinema de observación, a inestabilidade da relación entre suxeito filmado e suxeito que filma ou a procura dun novo lugar para o espectador deses intercambios culturais que ocorren na pantalla son liñas que sobrevoan todo o programa a través das que se poden albiscar pegadas desa formidable transformación que tivo lugar no terreo da antropoloxía visual durante estes últimos decenios.

Aquí podedes descargar o catálogo completo do MICE.

12ª MOSTRA INTERNACIONAL DE CINEMA ETNOGRÁFICO
1977-2017, Catro décadas de cinema etnográfico

Martes 30 de maio ás 18:30 no Teatro Principal
Os mozos do barrio
(Los jóvenes del barrio, Vídeo-Nou, Cataluña, 1982, 40′, VO)
Adolescentes
(Adolescentes, Ángel Santos, 2010-2011, 63′, VO)

Martes 30 de maio ás 22:30 no Teatro Principal
Foreign Parts
(Foreign Parts, Verena Paravel / JP Sniadecki, EUA / Francia, 2010, 80′, VOSG)

Mércores 31 de maio ás 19:30 no Salón Teatro
Fiadeiras de Zobra
(Fiadeiras de Zobra, Daniel González Alén, Galicia, 1981, 14′, VO)
Ven a Bens
(Ven a Bens, Sandra Sánchez, Galicia, 1992, 14′, VO)
Mougás
(Mougás, David Castro, Galicia, 2009, 15′, VO)
Ser e voltar
(Ser e voltar, Xacio Baño, Galicia, 2014, 13′, VO)
Trazos
(Trazos, Alberte Blanco, Galicia, 2016, 9′, VO)

Venres 2 de xuño ás 20:30 no Teatro Principal
Primeiro contacto
(First Contact, Bob Connolly / Robin Anderson, Australia, 1982, 54′, VOSG)

Sábado 3 de xuño ás 18:30 no Teatro Principal
Bosque do deleite
(Forest of Bliss, Robert Gardner, EUA, 1986, 90′, VO)

Sesión especial para a festa do 17: Falas raras

Xoves, Maio 4th, 2017

“A sesión que titulamos Falas raras propón unha viaxe audiovisual polo mundo a partir das voces de distintas linguas minorizadas: kawésqar, occitano, quechua, afar, catalán, asturleonés, bretón, guaraní… Os seus falantes comprométense coa supervivencia da lingua falándoa, cantando e contándonos a súa vida nela. E as súas voces chégannos de todas partes do mundo a través doutra lingua minorizada: o galego.”

Mércores 10 de maio ás 21:30 no Pichel
Sesión especial para a festa do 17: Falas raras.