AmigosArchive for the ‘’ Category

Roma, cidade aberta

Martes, Novembro 21st, 2017

“No ámbito do cinema internacional, Roma, cidade aberta, un filme realizado con poucos medios e por un director que estivera ao servizo do Duce, convertíase nun dos filmes paradigmáticos do neorrealismo italiano e da renovación estilística do cinema mundial. Xa de entrada, a incursión deste filme no contexto español, polo menos desde o debate teórico, presentou unha problemática acorde coas tensións políticas da década dos corenta onde a Igrexa mantivo e consolidou a súa influencia tamén no ámbito da censura cinematográfica e teatral”.

[Tirado de “Roma, Cidade Aberta: Cultura e fascismo trala derrota do eixe” por Ana Rodríguez Granell e Marta Piñol Lloret en “Estudios sobre el Mensaje Periodístico”, Vol 23, nº 1, Universidad Complutense de Madrid (2017), pp. 587-601].

Mércores 22 de novembro ás 21:30 no Pichel
Roma, cidade aberta
(Roma, città aperta, Roberto Rossellini, Italia,1945, 103′, VOSG)
Xornadas contra a represión. En colaboración con A Gentalha do Pichel, CSOA Escarnio e maldizer e CSA do Sar

Novembro 2017

Domingo, Outubro 29th, 2017

[Cartaz de Edita R. Oca]

Mércores 1 de novembro ás 21:30 no Pichel
A cura
(キュア [Kyua], Kiyoshi Kurosawa, Xapón, 1997, 111′, VOSG)

Mércores 8 de novembro ás 21:30 no Pichel
Os nenos lobo Ame e Yuki 
(おおかみこどもの雨と雪 [Ōkami Kodomo no Ame to Yuki], Mamoru Hosoda, Xapón, 2012, 117′, VOSG)

Mércores 15 de novembro ás 21:30 no Pichel
O home no cadro 
(Человек в рамке [Chelovek v ramke], Fyodor Khitruk, Unión Soviética, 1966, 10′, VOSG)
As plumas da grúa
(Журавлиные перья [Zhuravlinye perya], Ideya Garanina, Unión Soviética, 1977, 10′, VO)
A harmónica de cristal
(Стеклянная гармоника [Steklyannaya garmonika], Andrey Khrzhanovskiy, Unión Soviética, 1968, 19′, VOSG)
Conto de contos
(Сказка сказок [Skazka skazok], Yuriy Norshteyn, Unión Soviética, 1979, 29′, VOSG)

Mércores 22 de novembro ás 21:30 no Pichel
Roma, cidade aberta 
(Roma, città aperta, Roberto Rossellini, Italia,1945, 103′, VOSG)
Xornadas contra a represión. En colaboración con A Gentalha do Pichel, CSOA Escarnio e maldizer e CSA do Sar

Mércores 29 de novembro ás 21:30 no Pichel
Praza Euner
(As Utópicas, Virxinia Polke e David Castro, 2017)
Coa presenza das directoras

■ Preme na imaxe para descargar o cartaz en pdf

Cinema na 13ª Bienal de Lalín

Mércores, Xullo 5th, 2017

“Como nos afecta a tradición? Esta é a pregunta que artella a proposta do Cineclube de Compostela para a 13ª Bienal de Lalín. A selección dos filmes fíxose pensando na recomposición case cronolóxica dun pasado fílmico galego cheo de baleiros, tocado pola perda e a ausencia de material, que fai que en certas ocasións haxa que incorporar pezas realizadas por exiliados para completar o fío. No proceso de resposta á pregunta, certas temáticas atravesan as tres sesións nas que se divide o total da programación. Son aquelas singularidades do caso galego que, independentemente do tempo, volven unha e outra vez, e que en parte seguen axitando a produción de cine galego: o exilio político, a tradición oral, as relacións de poder, o traballo, a memoria, a emigración, o choque coas segundas xeracións que nacen logo do éxodo rural, etc. (…)”.

SECCIÓN CINEMA
COLABORA: CGAI, Fundación Eugenio Granell e as/os autoras/es.
DATAS: 7, 8 e 14 de xullo ás 19:00
LUGAR: Salón de Actos da Biblioteca Municipal de Lalín

SESIÓN 1 | VENRES 7 DE XULLO | 19:00

Galicia 1936-2011. Estudos sobre o filme de Carlos Velo
Ramiro Ledo, Pablo Cayuela e Margarita Ledo. 2011.

El Andamio
Rogelio Amigo. 1958.

Invierno (1960), Lluvia (1961), Dibujo (1961), Trompos (1961), Middlebury (1962) e Película hecha en casa con pelota y muñeca (1962)
Eugenio Granell. Filmes experimentais e surrealistas.

SESIÓN 2 | SÁBADO 8 DE XULLO | 19:00

Gitanos sin romancero
Llorenç Soler, 1976.

Conxo, una experiencia
A Carón, 1976.

31 de agosto de 1989. Peche na fábrica de Odosa
OTTS (Organización de Traballadoras e Traballadores do Salnés), 1989.

SESIÓN 3 | VENRES 14 DE XULLO | 19:00

O milagre da carne
Javier Codesal, 1994.

La memoria interior
María Ruido, 2002.

Como foi o conto?
Alberte Pagán, 2004.

París #1
Oliver Laxe, 2008.

Mougás
David Castro, 2009.

MICE: 1977-2017, Catro décadas de cinema etnográfico

Domingo, Maio 28th, 2017

O luns 29 de maio dá comezo a Mostra Internacional de Cinema Etnográfico (MICE), que este ano conmemora corenta anos de vida do Museo do Pobo Galego. O Cineclube de Compostela colabora nesta edición cunha programación de cinco sesións agrupadas baixo o título 1977-2017, Catro décadas de cinema etnográfico. Neste ciclo poderase ver un percorrido que nos leva desde o máis próximo ata as antípodas, da volta dun fillo á casa familiar ou a filmación dunha romaría tradicional ata a narración dun primeiro contacto entre explorador e indíxena no tempo do capitalismo colonial, pasando polas comunidades das periferias de metrópoles contemporáneas. A emerxencia de novas formas de facer onde as narrativas experimentais se mesturan co cinema de observación, a inestabilidade da relación entre suxeito filmado e suxeito que filma ou a procura dun novo lugar para o espectador deses intercambios culturais que ocorren na pantalla son liñas que sobrevoan todo o programa a través das que se poden albiscar pegadas desa formidable transformación que tivo lugar no terreo da antropoloxía visual durante estes últimos decenios.

Aquí podedes descargar o catálogo completo do MICE.

12ª MOSTRA INTERNACIONAL DE CINEMA ETNOGRÁFICO
1977-2017, Catro décadas de cinema etnográfico

Martes 30 de maio ás 18:30 no Teatro Principal
Os mozos do barrio
(Los jóvenes del barrio, Vídeo-Nou, Cataluña, 1982, 40′, VO)
Adolescentes
(Adolescentes, Ángel Santos, 2010-2011, 63′, VO)

Martes 30 de maio ás 22:30 no Teatro Principal
Foreign Parts
(Foreign Parts, Verena Paravel / JP Sniadecki, EUA / Francia, 2010, 80′, VOSG)

Mércores 31 de maio ás 19:30 no Salón Teatro
Fiadeiras de Zobra
(Fiadeiras de Zobra, Daniel González Alén, Galicia, 1981, 14′, VO)
Ven a Bens
(Ven a Bens, Sandra Sánchez, Galicia, 1992, 14′, VO)
Mougás
(Mougás, David Castro, Galicia, 2009, 15′, VO)
Ser e voltar
(Ser e voltar, Xacio Baño, Galicia, 2014, 13′, VO)
Trazos
(Trazos, Alberte Blanco, Galicia, 2016, 9′, VO)

Venres 2 de xuño ás 20:30 no Teatro Principal
Primeiro contacto
(First Contact, Bob Connolly / Robin Anderson, Australia, 1982, 54′, VOSG)

Sábado 3 de xuño ás 18:30 no Teatro Principal
Bosque do deleite
(Forest of Bliss, Robert Gardner, EUA, 1986, 90′, VO)

Sesión especial para a festa do 17: Falas raras

Xoves, Maio 4th, 2017

“A sesión que titulamos Falas raras propón unha viaxe audiovisual polo mundo a partir das voces de distintas linguas minorizadas: kawésqar, occitano, quechua, afar, catalán, asturleonés, bretón, guaraní… Os seus falantes comprométense coa supervivencia da lingua falándoa, cantando e contándonos a súa vida nela. E as súas voces chégannos de todas partes do mundo a través doutra lingua minorizada: o galego.”

Mércores 10 de maio ás 21:30 no Pichel
Sesión especial para a festa do 17: Falas raras.

MelonaFest#2: sesión de curtas experimentais musicadas en directo

Xoves, Marzo 30th, 2017

O Cineclube de Compostela colabora co MelonaFest #2 acollendo unha nova sesión especial de curtametraxes experimentais musicadas, neste caso a cargo de Lois G. Carlín e MontañaMuerte.

MontañaMuerte é o proxecto en solitario de CosmonautC (Haecceidad, Orquesta Pánico), no que emprega trebellos tecnolóxicos de todo tipo (dun theremin a unha gameboy) para crear ambientes místicos que evocan a natureza. Psicodelia, trance e electrónica que neste caso empregará para musicar Acariño galaico (de barro), a terceira parte do Tríptico elemental de España de José Val del Omar. Nela, o cineasta granadino empregaba tamén a insólita técnica das súas invencións para recrear a paisaxe e os elementos, retratando os rasgos inmemoriais da cultura galega cunha presenza destacada do relixioso e o máxico.

Lois G. Carlín, quen xa puxo música en directo a unha sesión de curtas mudas de ciencia-ficción no Cineclube, é musicólogo e membro de grupos como Ataque Escampe. Nesta sesión empregará un sintetizador modular Serge para improvisar ruidos que acompañarán unha selección de pezas curtas que percorren cincuenta anos da historia do cinema experimental. O sonido futurista do pasado súmase nesta ocasión ás imaxes que expandiron os límites da séptima arte mediante a aplicación de novas técnicas e novas ideas.

Mércores 5 de abril ás 21:30 no Pichel
Sesión de curtametraxes experimentais musicadas en directo por
Lois G. Carlín e Montaña Muerte
Sinfonía diagonal
(Symphonie Diagonale, Vikking Eggeling, Alemaña, 1924, 7′, VO)
Intento de estudo visual sobre un arabesco
(Essai d’étude visuelle sur une arabesque, Germaine Dulac, Francia, 1929, 8′, VO)
Sincromía Nº 4: Escape
(Synchromy No. 4. Escape, Mary Ellen Bute / Bill Nemeth / Ted Nemeth, EUA, 1937, 4′)
Dinámica de radio
(Radio Dynamics, Oskar Fischinger, EUA, 1942, 4′)
Fases da forma IV
(Form Phases IV, Robert Breer, EUA, 1954, 3′)
Luces
(Lights, Marie Menken, EUA, 1966, 6′)
Feedback Estroboscopia
(Feedback Stroboscopie, Dominique Belloir, Francia, 1975, 5′)
Acariño galaico (De barro)
(Acariño galaico (De barro), José Val del Omar, Estado Español, 1961, 36’)

■ Preme aquí para descargar o cartaz en pdf

Noite tropical no Cachán Clube

Martes, Outubro 27th, 2015

Rolando Bruno

Xoves 29 de outubro ás 21:30 no Cachán Club
GUATEQUE TROPICAL
Proxección sorpresa + Concertos
Conjunto Tropical
Rolando Bruno
Primitivo Eirís & El Póllegro Enmascarado
(Organizado polo Restaurante Resas)
Entrada 5 euros

Curtametraxes checas e polacas

Xoves, Xuño 26th, 2014

PROXECCIÓNS ESPECIAIS DE CURTAMETRAXES CHECAS E POLACAS
Programadas por Fundacja Obserwatorium e Kino Varšava

Xoves 26 de xuño ás 17:00 en Itaca
En San Vicente
(Na świętego Wincentego, Stachu Furman, Polonia, 2011, 5′, V.O.S.I.)
Cor non-stop
(Non-stop kolor, Maria Sadowska, Polonia, 2007, 35′, V.O.S.I.)
Ven a min
(Przyjdź do mnie, Ewa Banaszkiewicz, Polonia, 2009, 31 ‘, V.O.S.I.)
Rondó
(Rondo, Artur Kordas, Polonia, 2012, 6′, V.O.S.I.)
Non teñas medo do cuarto escuro
(Ciemnego pokoju nie trzeba się bać, Don’t Be Afraid of the Dark Room, Kuba Czekaj, Polonia, 2009, 35′, V.O.S.I.)
Tres para a toma
(Trójka do wzięcia, Bartek Konopka, Polonia, 2006, 39′, V.O.S.I.)

Venres 27 de xuño ás 17:00 en Itaca
Basia de Podlasia
(Basia z Podlasia, Aleksander Dembski, Polonia, 2011, 27′, V.O.S.I.)
A estrada interior
(Droga wewnętrzna, Dorota Lamparska, Polonia, 2006, 37′, V.O.S.I.)
A risa
(Smích, Petr Vodička, República Checa, 8′, V.O.)
Televisión
(Televize, Martin Šojdr, República Checa, 7′, V.O.)
Dous cuartos
(Dva pokoje, Marek Sýkora, República Checa, 8′, V.O.),
A chave
(Klíč, Adéla Tanzerová, República Checa, 2011, 7′, V.O.)
Rosa
(Růže, Ladislav Plecitý, República Checa, 2010, 10′, V.O.)
O último da especie
(Poslední z rodu, Matěj Forejt, República Checa, 2010, 7′, V.O.)

Introdución ao cinema experimental (1942-1977)

Luns, Abril 28th, 2014

Cinema experimental: Cinema vangardista, crítico (Scott MacDonald), formal, concreto, materialista (Peter Gidal), abstracto, non figurativo, libre (Steve Dwoskin), alternativo, independente, analítico (Bill Brand), marxinal, discrépant (Isidore Isou), radical, alternativo… Á parte dos diferentes “xéneros” que todos eses nomes engloban: cinema underground (clandestino), lírico, métrico, puro, neoformal (LeGrice), de montaxe. Ningún dos nomes reflicte exactamente a natureza deste tipo de cinema. Utilizarei experimental por ser o mais habitual (non o mellor: alude á obra como “experimento”, o que está lonxe da intención de gran parte das e dos cineastas).

Cinema experimental: Películas “artesanais” (non por iso menos acabadas), feitas fora dos círculos comerciais ou de subvencións, que se desenvolven nos límites das normas expresivas e estéticas. Polo seu mesmo carácter vangardista o que en certo momento resulta experimental e pouco asimilábel pola audiencia pode chegar a ser moeda de cambio tempo despois (hoxe a publicidade televisiva ou os vídeos musicais non son máis que cinema experimental aplicado).

O cinema experimental, en grande medida, é un cinema “anti-comercial”: nun senso básico, non busca o beneficio económico; non se distribúe en salas comerciais; a nivel expresivo é un cinema que reacciona ante as normas cinematográficas establecidas (o “Modo de representación institucional”). Nese sentido, é un cinema non narrativo ou mesmo anti-narrativo. Busca desesperadamente o seu recoñecimento como “arte” (moitas veces desde postulados contrarios ao concepto de arte) nun mundo cinematográfico obcecado polo mercado. Sen presencia no mercado, realmente existe o cinema experimental? Se non se distribúe en salas comerciais onde se pode ver? Nas filmotecas, rara vez; nos museus e nas universidades. As películas de Man Ray exhíbense nos museus ao tempo que as súas fotografías; Lis Rhodes estrea as súas últimas películas na Tate Gallery de Londres.

Existe certo recoñecemento por parte da Academia, aínda que nos estudios universitarios e teóricos sempre se escollan as catro películas de sempre (Wavelength, A Movie) para disecalas e asimilalas e así poder prescindir do demais cinema experimental, tan vivo e variado (e aí está o perigo de facer unha selección como a presente). Máis que un problema de público (aínda que non creo que este sexa inferior ao de calquera pintor de mediana calidade nunha galería calquera) existe un problema de distribución e de educación visual. Nun mundo cada vez máis influido pola imaxe non existe unha educación básica audiovisual. Saímos da escola preparados para “entender”, cando menos, un cadro abstracto, mais non para entender unha película abstracta.”

[Fragmento tirado de “Introdución aos clásicos do cinema experimental“, Alberte Pagán, CGAC / CGAI, Compostela, 1999].

Mércores 30 de abril ás 21.30 no Pichel
Introdución ao cinema experimental. Parte I (1942-1977) | Duración total: 81′

Número 3: Entrelazado
(Number 3: Interwoven, Harry Smith, EUA, 1946, 3′, VO)
+
Cachifallos
(Odds & Ends, Jane Conger Belson Shimané, EUA, 1959, 4′, VOSG)
+
Aleph
(Aleph, Wallace Berman, EUA, 1966, 8′, VO)
+
Á noite con fachos e lanzas
(By Night with Torch and Spear, Joseph Cornell, EUA, 1942, 8′, VO)
+
Valse triste
(Valse Triste, Bruce Conner, EUA, 1977, 5′, VO)
+
A casa Wedlock: Un coito
(Wedlock House: An Intercourse, Stan Brakhage, EUA, 1959, 11′, VO)
+
Castro Street
(Castro Street, Bruce Baillie, EUA, 1966, 11′, VO)
+
Tensión superficial
(Surface Tension, Hollis Frampton, EUA, 1968, 10′, VOSG)
+
Solidariedade
(Solidarity, Joyce Wieland, Canadá, 1973, 11′, VOSG)
+
Nova e mellorada calidade institucional: No contexto das líquidas e as nasais ás veces se desenvolve unha vogal parasitaria
(New Improved Institutional Quality: In the Environment of Liquids and Nasals a Parasitic Vowel Sometimes Develop, Owen Land, EUA, 1976, 10′, VOSG)

 

A pedra do lobo

Martes, Xaneiro 28th, 2014

alberte pagan a pedra do lobo cinema galego

“Antes de nada darvos os meus parabéns tanto a ti como a Susi polo esforzo realizado e pola implicación nunha proposta onde hai tanto de vós. Mais estaredes conmigo que este filme é un proxecto que de por si é unha provocación aos estándares cinematográficos. Mais a pesar de notar ese desafío non sei se se logrou totalmente o pretendido e, quizais, ese punto de mira teórico leva a contradicirse coas imaxes. Porén, aínda así, a pesar deste fracaso (aparente) creo que é un filme que conduce, sen dúbida, cara novos camiños. E eu, persoalmente, tomo nota.

Entrando polo miúdo neste punto é a proposta de celebrar que vas a facer unha película sen historia. Obviamente, e non podía ser doutro xeito, é unha posición moi hábil para entrar na ficción. Mais aínda así non o fas moi convencido e sempre saen as costuras de instancias do documental. Está claro que a plusvalía cinematográfica de hoxe en día está en sacar réditos desa lameira onde se misturan a ficción e o documental.”

(fragmento da Carta de Xurxo Chirro a Alberte Pagán a propósito d’A Pedra do Lobo, 28/03/2011)

Mércores 29 de xaneiro ás 21:30 no Pichel
A pedra do lobo
(Alberte Pagán, Galiza, 2010, 111’, VO)
Con presenza do director