Cineclube de Compostela

BBC 4: Como reaxiu Dylan ao ver Dont Look Back?
DA Pennebaker: Fatal. Ensinámoslla nos Anxeles nunha pequena sá de proxección que alugara. A peor sá de proxección que nunca tivera, a cousa nin ía sincronizada a meirande parte do tempo. Vimos o filme e até a fin estivo de pe cun cuaderno amarelo no que ía tomar notas. Non tomou ningunha. Só dixo "Ben, vimos o filme agora, e imos ter outro pase mañá, e vou tomar notas para pensarmonos que é o que precisamos de arranxar". Iso púxome de baixón, de certo.

BBC Four: Que foi do que non gustou?
DA Pennebaker. Non creo que o soubera. Estaba simplemente abrumado. Viuse como se estivera nu na rúa. Non pensara que un filme puidese ser tan revelador. Sempre tivo ese rollo, como Ginsberg e Kerouac, de que se un garda as costas e non di nada a xente non vai saber de certo se és demócrata ou republicano. Pensaba que estaba protexido e de súpeto viuse a si propio, totalmente espido. Non creo que a meirande parte da xente o vexa, mais foi o que el viu. Así que a botamos outra vez ao día seguinte. Á fin, saltou co cuaderno, que seguía baleiro, e dixo "Perfecto". Así foi.

(D. A. Pennebaker, en entrevista para a BBC Four en 2005. Podedes ler a entrevista completa en inglés premendo aquí)

Mércores 12 de Marzo ás 22:00:
Dont Look Back
(Dont Look Back, D. A. Pennebaker, EUA, 1967, 96′)

chúzame