Xa chega de dereita, aquí e en Valencia
O Cineclube de Compostela e l'Ambaixada de Països Catalans na Galiza realizamos este martes 15 ás 22:00 un pase especial de Xa chega (Ja en tenim prou, Países Cataláns, 2007). Este filme colectivo pretende funcionar como unha alternativa á propaganda realizada polo PP desde as institucións e medios públicos no País Valenciano, inspirado en antecedentes como Hai que botalos. Deste xeito, os obxectivos son promover a opinión crítica e o voto que expulse á dereita do goberno dese país.
O filme está formado por 87 traballos nos que se fai denuncia do despotismo, a corrupción, o amiguismo e a impunidade da xestión do PP, así como das diversas desfeitas realizadas en cuestións de asuntos sociais, lingua, ambiente, urbanismo ou feitos máis puntuais como o recente accidente do metro en Valencia.
O Partido Popular conseguiu que a Xunta Electoral de Valencia prohibira a proxección pública do filme até que comezase a campaña electoral. Porén, Xa chega puido ser visto nuns 200 pases. Ademais, foron repartidas unhas 100.000 copias do filme en DVD e houbo unhas 250.000 visitas ás curtametraxes através da Internet. Desde o Cineclube queremos achegar tamén a nosa pequena axuda. Será este martes ás 22:00 no Pichel.
Martes 15 de maio ás 22:00
Xa chega
(Ja en tenim prou,
Colectivo, País Valenciano, 2007, VO)
chúzame -
isaac Said,
maio 14, 2007 @ 2:03 pm
parabens pola iniciativa! (postos a ser um pouco pedante, eu penso que umha traduçom mais acaida do título seria “Xa abonda” ou mesmo “Estamos fartas”. que me corrijam os bilingües).
i. Said,
maio 14, 2007 @ 7:33 pm
pessoalmente, a mim a verdade é que me sona mais natural “xa chega” (ou mesmo mais “xa chegou”, ainda que não respeite o presente) do que “xa abonda”, mas talvez seja algo subjectivo. outra cousa seria “estamos fartas”, que perde a localização adverbial… mas, em qualquer caso, estaremos todas de acordo em que já chega, já abonda e fartas vimos estando de caralho, meu. i fins i tot es pot dir que ja en tenim prou, xiquet. no és veritat? ;)
Castrov Said,
maio 15, 2007 @ 10:38 am
Para min que a tradución axeitada é “Xa abonda”. De feito, “xa chega” non se entende moi ben á primeira, para ser un título. Mais en fin, supoño que abonda con ver o filme. Saúde.
chuza.org Said,
maio 15, 2007 @ 11:48 am
Proxección de “Ja en tenim prou” en Compostela…
O Cineclube de Compostela, l’Ambaixada de Països Catalans na Galiza e a Gentalha do Pichel realizamos este martes 15 (hoxe) ás 22:00 un pase especial de “Xa abondou!” (Ja en tenim prou, Países Cataláns, 2007). Este filme colectivo pretende func…
Eduardo Zaplana Said,
maio 16, 2007 @ 11:40 am
Peliculón.
Joan Ignasi Pla Said,
maio 16, 2007 @ 2:41 pm
Obra mestra, obra mestra. Sublime, é dicir.
As gafas de Carlos Fabra Said,
maio 16, 2007 @ 6:16 pm
Help (i need somebody). Valenciadeputamadre.