Sen Sol, Chris Marker no cineclube
Mércores, 31 de xaneiro, 22:00
Sen Sol (Sans Soleil, Chris Marker, Francia, 1983, VOSG)
Esta semana no Cineclube de Compostela proxectaremos "Sen sol", un dos filmes máis importantes do documentalista francés Chris Marker. "Sen sol" (1983) é un caderno de viaxes pola vida, un diario poético que vai de San Francisco a Toquio. Une documental e fición, xoga coa montaxe e recréase no mundo onírico que lle suxire a música de Mussorgski para falar dos recordos.
descarrega a programación en pdf
chúzame -
d. Said,
febreiro 1, 2007 @ 12:38 pm
A dimensión deste filme resulta dificilmente cuantificábel:
“a historia so é agre para os que agardaban que fose azucrada”.
Por veces, de aire elexíaco que anucia a pallasada lyotardá.
Modernidade ou barbarie, por dicir algo.
m. Said,
febreiro 1, 2007 @ 2:04 pm
Sen sol, pero con absoluta claridade.
Ao trazar a diferenza entre historia e memoria, o filme axuda a matinar nas trampas do enunciado “memoria histórica”.
Sigo prendida a iso de que “non se pode lembrar a sede”.
castrov Said,
febreiro 1, 2007 @ 2:33 pm
Linguaxe do non-ser, do que non é aínda. Para debuxar nos muros das cadeas. En fin, emocionoume dar comprendido que o tempo nunca curou feridas. Tampouco, as da Historia.
Aí estamos.